Rruga e Gollobordës gati e pakalueshme

1008

Fshatrat e Bulqizës vijojnë të përballen me gjendjen e amortizuar të rrugëve që i lidhin ato me qendrat urbane. Kjo është rruga që lidh fshatrat e Gollobordës me rrugën nacionale. Kjo rrugë e cila përdoret edhe për të kaluar në shtetin e Maqedonisë së Veriut, sipas drejtuesve të mjeteve dhe banorëve nuk mirëmbahet. Gropat e mëdha të shfaqura në të gjithë gjatësinë e kësaj rruge e bëjnë kalimin në të, tepër të vështirë. Banorët thonë se prej 4 vitesh, askush nuk ka ndërhyrë më për riparimin e saj.
Më problematike situata paraqitet gjatë stinës së dimrit, kur ka reshje shirash apo dhe ngrica, e në këtë mënyrë kalimi në të në shumë segmente bëhet pothuajse i pamundur. Aksi në fjalë përdoret edhe për të lidhur dy njësitë administrative atë të Bulqizës dhe Librazhdit, por Autoriteti rrugor Shqiptar nuk është kujtuar ndonjëherë për këtë rrugë.